0 – 4歲是「黃金時期」你還不信?
0 – 4歲是「黃金時期」你還不信?
Written by Zoie Way     17 March 2020
Written by Zoie Way     17 March 2020
點解小朋友返學之後,學習興趣逐漸減少?態度180度轉變?點解嘅?你係咪因為小朋友升學後被迫變成一個怪獸家長,終日兇神惡煞或愁眉苦臉?

因為返學之後,家長會好容易將所有焦點集中於點樣喺學校生存、投放喺進度及成績等方面。為了配合學內課程,甚至會同仔女一齊做功課溫習,漸漸變得無耐性,開始受到來自孩子嘅投訴。若果孩子功課跟唔上,自己承受的壓力更大!過去對孩子嘅溫柔、包容及讚賞,全部無晒!你覺得孩子仲有無動力去學習?學習對佢仲有無意義?咁樣嘅情況可以維持幾耐呢?

當家長將孩子嘅教育里程完全放手給學校,而自己每日返工放工、照顧家人起居飲食、跟功課等所帶來的壓力其實都唔少,慢慢開始忘記同仔女之間嘅關係,以及他們真正所需。小朋友放學返到屋企,只聽到家長不停向佢地發牢騷,將負面情緒發洩喺佢地身上。惡性循環之下,如果小朋友唔願意返學,寧願hea做功課,草草了事,你覺得會係咩原因?

原因只有一個:因為現今嘅教育制度已經過時!家長被捲入「現今教育文化」,認為因為自己求學時期都經歷過咁樣嘅制度,所以就算知道現時制度有缺憾,都堅持把孩子推進或覺得自己無得選擇。問題就出現了,家長忘記初衷,不停把孩子塑造成學校嘅模範生,忽略了孩子本身嘅學習需求和模式。就係因為呢個情況,孩子就會失去學習興趣,家長亦諗唔通喺邊度出現問題而變得沮喪。

所以當種種情況未出現時,你在思維上要立即作出改變,要把握0-4歲打好根基嘅黃金時間,係非常之重要!因為孩子嘅教育里程很長,十分需要你一路陪伴,有無諗過點樣可以同佢一齊行得遠啲?點樣可以繼續開開心心,輕輕鬆鬆?首先就要明白學習嘅根基究竟係咩,你先至可以行得更遠!

 

Zoie Way 


Zoie身懷科學學士、科學碩士、學位教師教育文憑等學歷,說起ABCs時最精神奕奕,而正正是這份熱情,驅使她執起教鞭,一路走到今天。她累積了廿一年的教學經驗,不斷從錯誤中學習,去蕪存菁,致力與學生和家長們分享畢生所學,讓他們發現學會閱讀的過程,不一定是長路漫漫,荊棘滿途。於 2007年與 創立 Common Sense Education Ltd.,旗下業務包括 Zoie Way Ignites, The Maelan Way 和 Quick Fix Phonics, 學員包括世界各地嘅小朋友, 家長同埋老師。 教導他們自創的獨特技巧和自我突破的秘訣。
FB Comments Will Be Here (placeholder)
©2020-2024 Zoieway.com